Gadih Minang (Sakola atau Balaki?)

Siapa tidak kenal perempuan minang...selain tersohor karena kelihaian memasak, para perempuan minang juga terkenal dengan keramahannya...tetapi banyak potret perempuan minang yang mungkin tidak banyak orang ketahui. Salah satunya adalah soal pendidikan pada beberapa dekade lalu di ranah minang. Berikut percakapan menarik antara seorang ibu dan anaknya.

Ilustrasi gadih minang jaman dulu

Latar cerita berikut adalah di sudut dapur dimana sang anak gadis yang bernama Ita tengah asik menemani ibunya memasak sayur khas minangkabau, “sayua pucuak ubi”...

Ita               : Mak...Ita kan baru tamat sakola SD, tu Ita dapek nilai tinggi pulo...nio rasonyo Ita manyambuang ka SMP Mak sarupo jo kawan-kawan.

Amak Ita      : (Amak Ita nio mamasuakkan aia ka dalam pariuak) ... lai tantu dek amaknyo nak,,,kok dapek iyo lah nyo anak amak balanjuik sakolanyo...

Ita               : (Sambia mandakek ka amak) ...bararti buliah Ita sakola tu mak, buliah kan mak...bisuak hari senin Ita daftar yo Mak...

Amak Ita      : ( Senyum sambia mamacik kapalo Ita)....Anak den...baa caronyo gau ka sikola SMP samantaro iduik awak mode iko kini...

Ita                : Tapi mak......

Amak Ita       : Mangarati bana amak nyo nak, manga SMP sampai sakola tinggi amuah amak manyikolaan...tapi kalau mode ko kini alun tapikia dek amak lai nak...

Ita                 : Pokoknyo Ita nio sakola Mak...bialah Ita bajalan kaki gai pai sakola tiok pagi...bialah indak balanjo gai Ita di Sakola....(jarak Rumah dan SMP kiro-kiro 3 km)

Amak Ita        : ( Raut wajah mulai sendu )....Amak takuik beko sakola gau indak salasai dek pitih nan sarik dek awak kini nak...jo apo bayia kau mandaftar bisuak?

Ita                  : (Aia mato mulai manitiak)....Mak...Ita nio sakola SMP mak...

Amak Ita        : Ndak mantun do Ta...amak carian lah dulu dih untuak bayia mandaftar  bisuak....

Ita                  : Bialah Ita bakarajo gai bisuak tarago sakola mak...

Katiko Ita jo amaknyo sadang lasuah maota...tibo-tibo ayah Ita tibo..baju ayah Ita alah bacampua jo tanah sawah..siso karingek masih ado nampak di mukonyo nan masih mangkilek...

Amak Ita        : Eh...alah pulang uda...baa sawah wak da...alah salasai babajak hari ko...

Ayah Ita          : Nan sapiriang arah ka batang aia alah salasai mungkin pakan bisuak alah bisa awak tanam padi lai...

Amak Ita        : Iyo da...bisuak bia ambo kecekkan ka amai-amai nan lain untuak manolongan batanam..

Ayah Ita         : Alah mandi kau Ta? alah patang hari ko...

Ita                 : Alun lai yah..sabanta lai Ita mandi...tadi Ita mangecek jo amak yah ...Ita nio sakola SMP...lai buliah yah...

Ayah Ita         : (kaniang ayah mulai bakaruik).... sakola SMP? dima gau ka sikola? Jauah sakola tu dari rumah awak...

Ita                  : Iyo yah..bialah ndak baa do Ita bajalan gai pai sakola yah...

Ayah Ita          : Kok kini alun dapek di den jawek nyo lai...tapi manuruik den ndak usah sen lah gau sakola...beko ujuang-ujuang nyo gau ka dapua juo...manga gau sakola...

Ita                   : Tapi yah.....

Ayah Ita            : Anak si anu tu di gau a...lah tinggi bana sakola nyo.. manganggur juo ujuang-ujuang nyo...maabihan pitih urang gaek se...

Amak Ita           : Heh...jan kareh bana ka anak da...ndak elok do...

Ita                    : Kok Indak bialah Ita karajo gai satahun ko dulu yo yah...tahun bisuak Ita mandaftar ka SMP...

Ayah Ita             : (nada suaronyo alah maninggi)...Indak iyo tu doh...ancak kau balaki lai jo anak si Nurdin tu ha...urangnyo gagah tu alah bakarajo manggaleh di pasa...

Amak Ita           : Apo nan uda baco ko...ano ketek baru lai lah basuruah balaki...

Ayah Ita             : Pokoknyo gau balaki se lah lai...jan malawan kato-kato den...kalau indak pai gau dari rumah ko...beko sakola bacewek-cewek lo gau...

Ita                     : (manangih tasadu-sadu)... amakk...Ita ndak nio do mak...ndak nio Ita do mak...Ita nio sakola....sakola mak....

Kisah iko hanyolah sabagian dari carito gadih minang jaman dulu dek ulah pendidikan untuak anah gadih masih alun dipahami bana dek urang gaeknyo lai...sekian.